കവിത സമാഹരങ്ങൾ

സ്റ്റേ ഹോo ( Stay home)
രചന —— ആർ. എം ഷിബു (R. M shibu)

പുലർകാല വേളയിൽ വിടരുന്ന പൂവിന്റെ നിറയുന്ന സൗന്ദര്യം കണ്ടിരുന്നു
തണൽ വീശി നിൽക്കുന്ന കിളിച്ചുണ്ടൻ മാവിന്റെ ചില്ലയിൽ തത്തകൾ വന്നിരുന്നു
നിറഞ്ഞ പാൽ കുടവുമായി പൂവാലി പറമ്പിൽ കറങ്ങി നടക്കുന്നു
കൂകി വിളിക്കുന്ന കുയിലിന്റെ നാദത്തിൽ കൂടെ ചേർന്നിരുന്നു
ചാറ്റൽ മഴയുടെ സ്പർശത്താൽ ആ നേരം മണ്ണിൻ മണം വന്നിരുന്നു
കാറ്റിലാടുന്ന പേരതൻ ചില്ലയിൽ അണ്ണാറക്കണ്ണൻ കളിക്കുന്നു
തെളിഞ്ഞു നിൽക്കുന്ന ആകാശത്തിൽ പറവകൾ പാറിപ്പറക്കുന്നു
വിടർന്നു നിൽക്കുന്ന പൂക്കളിൽ വണ്ടുകൾ മധുരം നുകർന്ന് കളിക്കുന്നു
തഴുകിയെത്തുന്ന കാറ്റിനോടൊത്ത് പുറം കാഴ്ചകൾ കണ്ടിരുന്നു
തുടർന്നീടുമാ” സ്റ്റേ ഹോമിൽ”
ഞാനും പ്രകൃതിയിൽ അലിയുന്നു….
.